ఆంధ్రభారతి - తాళ్లపాక అన్నమాచార్య కీర్తనలు - అంతటి దైవమ వటు గాఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 243-6
సంపుటము: 3-247

తాళ్లపాక అన్నమాచార్య

రాగము: దేవగాంధారి

అంతటి దైవమ వటు గాఁగా చెంత నిన్నుఁ గూర్చినదే ఘనము	॥పల్లవి॥
వెరవునఁ బంచమవేద సారములు సిరుల నిను నుతించిన నుతులు సరవితోడి బహుశాస్త్రసంతతులు నిరతిఁ జెప్పెడిని నీకథలు	॥అంత॥
కొంగుపైడియగు గురుమంత్రంబులు సంగడి వైష్ణవసంభాషలు నింగికి భూమికి నిజపురాణములు సంగతిగల నీ సంకీర్తనలు	॥అంత॥
వూనిన విధుల మహోపనిషత్తులు నానాగతి నీనామములు వీనులకును శ్రీవేంకటేశ మీ- జ్ఞానార్థములు మిముఁ జదువు చదువులు	॥అంత॥