ఆంధ్రభారతి - తాళ్లపాక అన్నమాచార్య కీర్తనలు - ఏపాటి గలవాఁడ నిదివో నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 244-1
సంపుటము: 3-248

తాళ్లపాక అన్నమాచార్య

రాగము: భైరవి

ఏపాటి గలవాఁడ నిదివో నేను నా పాటు చూచి హరి నన్నుఁ గావఁ గదవే	॥పల్లవి॥
నిలువు నూరు వండీని(?) నిచ్చలు నీదేహమైతే వొలిసీ దుఃఖములకు నోరువ లేదు కులము గోటిసేసును గుంపుల జన్మాదులైతే అలరి వొరులఁబోయి అడిగేదే యెపుడు	॥ఏపా॥
పట్టితే పసిఁడి రాలీ బచ్చన సంసారము గుట్టుదెలియఁ బ్రాణము కూటిచేతిది వుట్టిపడీ మానుషము వొకనాటి కొకనాఁడు పట్టికాంతలయెదుట భంగపడే మిదివో	॥ఏపా॥
చేరి చెట్టడిచితేను చేటఁడు చుట్టరికాలు యీరీతి నిన్నాళ్లదాఁకా నెందుండిరో ఆరిచితే మూరెఁడెక్కీనదే నామకీర్తనము కూరిమి శ్రీవేంకటేశ కొన నాలికెకును	॥ఏపా॥