ఆంధ్రభారతి - తాళ్లపాక అన్నమాచార్య కీర్తనలు - మలసీఁ జూడరో మగసింహము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 2-7
సంపుటము: 1-13

తాళ్లపాక అన్నమాచార్య

రాగము: శంకరాభరణం

మలసీఁ జూడరో మగసింహము అలవి మీఱిన మాయలసింహము	॥మలసీ॥
అదివో చూడరో ఆదిమపురుషుని పెదయౌభళముమీఁది పెనుసింహము వెదకి బ్రహ్మాదులు వేదాంతతతులు కదిసి కానఁగలేని ఘనసింహము	॥మలసీ॥
మెచ్చిమెచ్చి చూడరో మితిమీఱినయట్టి చిచ్చఱకంటితోడి జిగిసింహము తచ్చిన వారిధిలోన తరుణిఁ గౌఁగిటఁ జేర్చి నచ్చిన గోళ్ళ శ్రీనరసింహము	॥మలసీ॥
బింకమునఁ జూడరో పిరితియ్యక నేఁడు అంకపు దనుజసంహారసింహము వేంకటనగముపై వేదాచలముపై కింక లేక వడిఁ బెరిగిన సింహము	॥మలసీ॥