ఆంధ్రభారతి - తాళ్లపాక అన్నమాచార్య కీర్తనలు - ఏమని చెప్పీనో కాక యిలఁగల శాస్త్రాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 251-5
సంపుటము: 3-294

తాళ్లపాక అన్నమాచార్య

రాగము: పూర్వగౌళ

ఏమని చెప్పీనో కాక యిలఁగల శాస్త్రాలు కామించి వాదించేవారి కడ మేదో	॥పల్లవి॥
అంచెల జగములకు హరియే ఆధారము యెంచఁగ నాధారము యితని కేదో పొంచిన వేదార్థముల పురుషార్థ మీతఁడు నించిన యర్థము యీతనికి నేదో	॥ఏమ॥
పొందిన ప్రాణులకెల్లా పుట్టుగైనాఁ డితఁడు యెందును తనకుఁ బుట్టుగిఁక నేడో చందపుఁ గర్మములకు సాధన మీదేవుఁడు మందలించ సాధనము మరి తనకేదో	॥ఏమ॥
కలయన్ని మాయలకుఁ గారణ మీ మూరితి తలపఁగ కారణము తనకేదో యెలమి శ్రీవేంకటేశుఁ డితఁడే సర్వసాక్షి మలసి యీతని కిఁక మరి సాక్షి యేదో	॥ఏమ॥