ఆంధ్రభారతి - తాళ్లపాక అన్నమాచార్య కీర్తనలు - ఎక్కడఁ గడచేరీ నరులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 251-6
సంపుటము: 3-295

తాళ్లపాక అన్నమాచార్య

రాగము: సామంతం

ఎక్కడఁ గడచేరీ నరులు తక్కులఁ బెట్టేరు తరుణులు భువిని	॥పల్లవి॥
కన్నుల చూపులు గాలపు చిలుకులు వెన్నెలనవ్వులే వెలితెరలు మిన్నక పురుషామృగముల వేఁటలు పన్నుక యాడేరు పడఁతులు భువిని	॥ఎక్క॥
ముంచిన మాఁటలే మోహనఘంటలు మంచియధరములే మచ్చులవి మించిన పురుషామృగముల వేఁటలు అంచెల నాడేరు అతివలు భువిని	॥ఎక్క॥
కట్టువగట్లు కందువ కుచములు పట్టు శ్రీవేంకటపతి మాయ మెట్టుగ పురుషామృగముల వేఁటలు నెట్టన నాడేరు నెలఁతలు భువిని	॥ఎక్క॥