ఆంధ్రభారతి - తాళ్లపాక అన్నమాచార్య కీర్తనలు - ఇన్నిటి మూలం బీశ్వరుఁ డాతని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 252-1
సంపుటము: 3-296

తాళ్లపాక అన్నమాచార్య

రాగము: మలహరి

ఇన్నిటి మూలం బీశ్వరుఁ డాతని- మన్నన కొలఁదినె మలయుటఁ గాక	॥పల్లవి॥
మాయామయమై మనియెడి జగమిది చాయల నిందు నిజము గలదా కాయము సుఖదుఃఖములకుఁ బొత్తిది రేయిఁబగలు నొకరీతే కలదా	॥ఇన్ని॥
దైవాధీనము తగు సంసారము వావిరి జీవుల వసమవునా ధావతి మనసిది తన కర్మమూలము వేవేలై నా విడువఁగ వశమా	॥ఇన్ని॥
పంచేంద్రియములఁ బరగేటి బ్రదుకిది చంచలంబు నిశ్చలమవునా యెంచఁగ శ్రీవేంకటేశ్వరు కృపతో సంచయమయితే సతమవుఁగాక	॥ఇన్ని॥