ఆంధ్రభారతి - తాళ్లపాక అన్నమాచార్య కీర్తనలు - వేఁకునఁ దిరుపళచ్చి విష్ణునికిఁ జేయరో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 252-3
సంపుటము: 3-298

తాళ్లపాక అన్నమాచార్య

రాగము: భూపాళం

వేఁకునఁ దిరుపళచ్చి విష్ణునికిఁ జేయరో ఆఁకటి కొదగినట్టి ఆరగింపులు	॥పల్లవి॥
అతి బ్రహ్మాండాలు గుక్షి నటు ధరించినయట్టి- అతనికిఁ జేయరో ఆరగింపులు ప్రతిలేని క్షీరాబ్ధిఁ బవళించి లేచినట్టి- చతురునికిఁ జేయరో చవి నారగింపులు	॥వేఁకు॥
యేడుదినములదాఁకా నెత్తెను గోవర్ధనము ఆడివచ్చే బాలునికి నారగింపులు మేడెపు గోపికలతో మిక్కిలిఁ బెనఁగినట్టి- వేడుకకానికిఁ దేరో విందు లారగింపులు	॥వేఁకు॥
పట్టపుదేవుళ్లుఁ దాను బంతి సాగి వున్నవాఁడు అట్టె సేయరో పులుఁగ మారగింపులు నెట్టన శ్రీవేంకటాద్రినిలయుఁ డారగించీని మట్టులేక వడ్డించరో మంచి యారగింపులు	॥వేఁకు॥