ఆంధ్రభారతి - తాళ్లపాక అన్నమాచార్య కీర్తనలు - జయజయ రామా సమరవిజయరామా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 252-5
సంపుటము: 3-300

తాళ్లపాక అన్నమాచార్య

రాగము: గుండక్రియ

జయజయ రామా సమరవిజయరామా భయహర నిజభక్తపారీణ రామా	॥పల్లవి॥
జలధి బంధించిన సౌమిత్రిరామా సెలవిల్లు విరచిన సీతారామా అల సుగ్రీవు నేలిన‌ అయోధ్యరామా కలిగి యజ్ఞము గాచే కౌసల్యరామా	॥జయ॥
అరి రావణాంతక ఆదిత్యకుల రామా గురుమౌనులనుఁ గాచే కోదండరామా ధర నహల్య పాలిటి దశరథరామా హరురాణి నుతుల లోకాభిరామా	॥జయ॥
అతి ప్రతాపముల మాయామృగాంతక రామా సుతకుశలవప్రియ సుగుణరామా వితత మహిమల శ్రీవేంకటాద్రిరామా మతిలోనఁ బాయని మనువంశరామా	॥జయ॥