ఆంధ్రభారతి - తాళ్లపాక అన్నమాచార్య కీర్తనలు - మొక్కరో మొక్కరో వాఁడె ముందర నిలుచున్నాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 252-6
సంపుటము: 3-301

తాళ్లపాక అన్నమాచార్య

రాగము: సాళంగనాట

మొక్కరో మొక్కరో వాఁడె ముందర నిలుచున్నాఁడు యెక్కువ రామునిబంటు యేకాంగవీరుఁడు	॥పల్లవి॥
పెట్టిన జంగతోడి పెద్ద హనుమంతుఁడు పట్టేను యెడమచేతి బలుముష్టి మెట్టినాఁడు పాదముల మించు రాకాశితలలు కొట్టేననుచు నెత్తె గొప్ప వలకేలు	॥మొక్క॥
వంచెను శిరసుమీఁద వాలుగాఁ దన తోఁక పెంచెను మిన్నులుమోవ పెనుదేహము నించినాఁడు రౌద్రము నిడుపాటిదవడల కాంచనపు పుట్టుకాశ కడు బిగి‌ఇంచెను	॥మొక్క॥
పెనచి తొడలుదాఁక పెద్ద పదకము వేసె తనువుపై వేలాడే దండల తోడ అనయము శ్రీవేంకటాద్రిదేవుని బంటు వెనుబలమై యున్నాఁడు విట్ఠలములోనను	॥మొక్క॥