ఆంధ్రభారతి - తాళ్లపాక అన్నమాచార్య కీర్తనలు - హరి దగ్గరనే వున్నాఁ డందాఁకాఁ బారనీదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 253-2
సంపుటము: 3-303

తాళ్లపాక అన్నమాచార్య

రాగము: బౌళి

హరి దగ్గరనే వున్నాఁ డందాఁకాఁ బారనీదు కురచలోనే మగుడు గోవిందు మాయ	॥పల్లవి॥
చెనకి పంచేంద్రియపు చెరువు లైదింటికి మనసనెడి దొకటి మహా ప్రవాహము దినముఁ బారుచునుండు దిగువకు వెళ్లలేదు తనలోనే తానిగురు దైవమాయ	॥హరి॥
తూలని పంచభూతాల తోఁట లైదింటికి కాలమనియెడి దొక్కకాలువ వారుచునుండు నేలాఁ దడియదు నీరూఁ దివియదు తోలుఁదిత్తికే కొలఁది దొరకొన్న మాయ	॥హరి॥
ముట్టి పంచప్రాణముల మొలక లైదింటికి పుట్టుగులనియేటి యేరు పొదలి పారుచునుండు చెట్టుచెట్టుకే కొలఁది శ్రీవేంకటేశ్వరుఁడు నట్టనడుమ నున్నాఁడు నాననీదు మాయ	॥హరి॥