ఆంధ్రభారతి - తాళ్లపాక అన్నమాచార్య కీర్తనలు - రామభద్ర రఘువీర రవివంశతిలక నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 253-3
సంపుటము: 3-304

తాళ్లపాక అన్నమాచార్య

రాగము: పాడి

రామభద్ర రఘువీర రవివంశతిలక నీ- నామమే కామధేనువు నమో నమో	॥పల్లవి॥
కౌసల్యానందవర్ధన ఘన దశరథసుత భాసుర యజ్ఞరక్షక భరతాగ్రజ రాసికెక్క(క్కు?)కోదండరచన విద్యాగురువ వాసితో సురలు నిను వడి మెచ్చేరయ్యా	॥రామ॥
మారీచసుబాహుమర్దన తాటకాంతక దారుణవీరశేఖర ధర్మపాలక కారుణ్యరత్నాకర కాకాసురవరద సారెకు వేదవిదులు జయ వెట్టేరయ్యా	॥రామ॥
సీతారమణ రాజ శేఖరశిరోమణి భూతలపు టయోధ్యాపురనిలయా యీతల శ్రీవేంకటాద్రి నిరవయిన రాఘవ ఘాత నీ ప్రతాపమెల్లాఁ గడు నిండెనయ్యా	॥రామ॥