ఆంధ్రభారతి - తాళ్లపాక అన్నమాచార్య కీర్తనలు - ఎట్టు వలసినాఁ జేయు మేమీ నననేరమయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 253-4
సంపుటము: 3-305

తాళ్లపాక అన్నమాచార్య

రాగము: బౌళి

ఎట్టు వలసినాఁ జేయు మేమీ నననేరమయ్య వొట్టిన నామనసు నీకొప్పన సుమ్మయ్యా	॥పల్లవి॥
అదిగో శ్రీహరి నీ వంపిన యింద్రియాలకు చెదరక నేము పంపు సేతుమయ్యా వెదకి యాసలకెల్లా వెట్టియుఁ జేతుమయ్య మదిమది నే నీ మాయకు లోనయ్యా	॥ఎట్టు॥
దేవ నీవిచ్చినయట్టి దేహపుటూరిలోన చేవమీరఁ గాఁపురము సేసేమయ్య ఆవల నీ కర్మముల కప్పనము నత్తుమయ్య ఆవటించి కామాదుల కాన మీరమయ్యా	॥ఎట్టు॥
నిన్నుఁ దలచుటకంటే నీవుచెప్పిన పనులే యెన్నికఁ జేసినదే యెక్కుడయ్యా అన్నిటా శ్రీవేంకటేశ ఆత్మలో నున్నాఁడవు విన్నపములేల యిది విడువమయ్యా	॥ఎట్టు॥