ఆంధ్రభారతి - తాళ్లపాక అన్నమాచార్య కీర్తనలు - ఇతని మఱచితిమి యెదుటనే యుండఁగ యిన్నాళ్లును నే మెరఁగక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 253-5
సంపుటము: 3-306

తాళ్లపాక అన్నమాచార్య

రాగము: గుజ్జరి

ఇతని మఱచితిమి యెదుటనే యుండఁగ యిన్నాళ్లును నే మెరఁగక ప్రతిలేదితనికి జీవకోట్లకుఁ బ్రాణబంధుఁ డితఁడు	॥పల్లవి॥
ముందు నేను ఘనగర్భనరకమున మునిఁగియున్ననాఁడు బొందితోడనే సుఖదుఃఖంబులఁ బొరయు తోడునీడితఁడు అంది స్వర్గనరకాదులు చొచ్చిన అక్కడఁ దా వెనువెంటనే చందపు నాయాతుమలోఁ బాయని సర్వాత్మకుఁ డితడే	॥ఇత॥
ఆని పట్టి నేఁ బాపపుణ్యములు అనుభవించవలెనన్నప్పుడు మానుపనొల్లఁడు తాఁ బెరరేఁచును మతి కనుకూలం బితఁడు నానావిధులనుఁ బొరలి యలపుతో నలి నే నిద్రించేటప్పుడు తానును ఆపరిణామంబులకు తగులైవుండును యీతఁడు	॥ఇత॥
తలఁచిన దగ్గరుఁ దడవక యుండిన దవ్వయివుండు నితఁడు కలసి మెలసి ఇహపరము లొసంగఁగఁ గాచుకవుండును యీతఁడు మెలఁగుచు సాకారముతో నున్నాఁడు మేటిశ్రీవేంకటపతి యీతఁడు వలసిన వావులరూపులు దాల్చినవాఁ డొకఁడేపో యీతఁడు	॥ఇత॥