ఆంధ్రభారతి - తాళ్లపాక అన్నమాచార్య కీర్తనలు - పెరిగి పెద్దఁ గాను మరి పిన్నవాఁడఁ గాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 255-4
సంపుటము: 3-317

తాళ్లపాక అన్నమాచార్య

రాగము: రామక్రియ

పెరిగి పెద్దఁ గాను మరి పిన్నవాఁడఁ గాను యిరవుగ నే బుద్ధెరిఁగెడి దెపుడు	॥పల్లవి॥
కంకిగ బహునరకంబులు చొచ్చితి- నింకా భయమది యెరఁగను జంకెనలనే పలుచదువులు చదివితి మంకుఁదనం బిది మానదు	॥పెరి॥
తియ్యక కడుఁ బెనుదేహాలు మోచితి- నయ్యో యింకా నలయను నెయ్యపు హేయము నిచ్చలుఁ గడిగెద చియ్యని రోయను సిగ్గూఁ బడను	॥పెరి॥
ధర్మము సేసితి దానము లొసఁగితి కర్మములింకాఁ గడవను అర్మిలి శ్రీవేంకటాధిప నీకృప నిర్మలమైతిని నే నిపుడు	॥పెరి॥