ఆంధ్రభారతి - తాళ్లపాక అన్నమాచార్య కీర్తనలు - కానరు నాలుగు కరములవానిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 255-6
సంపుటము: 3-319

తాళ్లపాక అన్నమాచార్య

రాగము: దేసాక్షి

కానరు నాలుగు కరములవానిని శ్రీనాథుండని చేరఁగవలదా	॥పల్లవి॥
ఘనచక్రముతో గరుడనినెక్కుక కినిసి మెరయు నలకృష్ణునిని ఘనులై ఇప్పటికాలపు మనుజులు మునుప విష్ణుఁడని మొక్కఁగవలదా	॥కాన॥
పలుదేవతలకు భయములు మాన్పుచు అల విశ్వరూపమైనపుడు చలము మాని యచ్చటికౌరవులును తెలిసి దేవుఁడని కొలువఁగవలదా	॥కాన॥
చెప్పిన యితఁడే శ్రీవేంకటమున యెప్పుడు వరములు ఇయ్యఁగను తప్పక యీతని దాసులవలెనే యిప్పటివారలె యెరఁగఁగవలదా	॥కాన॥