ఆంధ్రభారతి - తాళ్లపాక అన్నమాచార్య కీర్తనలు - నిండుమనసే నీ పూజ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 256-1
సంపుటము: 3-320

తాళ్లపాక అన్నమాచార్య

రాగము: బౌళి

నిండుమనసే నీ పూజ అండఁ గోరకుండుటదియు నీపూజ	॥పల్లవి॥
యిందు హరి గలఁడందు లేఁడనేటి- నిందకుఁ బాయుటే నీపూజ కొందరు చుట్టాలు కొందరు పగనే- అందదుకు మానుటదియే నీపూజ	॥నిండు॥
తిట్టులు గొన్నని దీవెనె గొంతని నెట్టుకోనిదే నీపూజ పెట్టిన బంగారుపెంకును నినుమును అట్టే సరి యనుటదియు నీపూజ	॥నిండు॥
సర్వము నీవని స్వతంత్రముడిగి నిర్వహించుటే నీపూజ పర్వి శ్రీవేంకటపతి నీదాసుల- పూర్వమనియెడి బుద్ధి నీ పూజ	॥నిండు॥