ఆంధ్రభారతి - తాళ్లపాక అన్నమాచార్య కీర్తనలు - పలుదెరువులు నీకుఁ బాటించఁ జెల్లును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 256-2
సంపుటము: 3-321

తాళ్లపాక అన్నమాచార్య

రాగము: రామక్రియ

పలుదెరువులు నీకుఁ బాటించఁ జెల్లును వొలిసి మీ దాసులవుటొక్కటే మా తెరువు	॥పల్లవి॥
హరి నీకు జీవరాసులందరును సరియే సురల కెక్కుడు నీవు చూడ మాకైతే యిరవులు గలవు నీ కెక్కడ చూచినను అరిది నీ శ్రీపాదాలందె మాయిరవు	॥పలు॥
నందగోపాదులకెల్ల నందనుఁడవు నీవు యిందరికిఁ దండ్రివి మా కిటు నీవైతే అందిన శబరివిందు అఖిలభాగ్యము నీకు చిందిన నీ పస్రాదమే సిరులిచ్చె మాకును	॥పలు॥
అచ్చుగ మునులు రు(ఋ?)షులందరును నీబంట్లే తచ్చిన యేలికలు నీదాసులు మాకు యిచ్చల శ్రీవేంకటేశ యిహపరమెల్లా నీవు చొచ్చితిమి నీమరఁగు సూదివెంట దారమై	॥పలు॥