ఆంధ్రభారతి - తాళ్లపాక అన్నమాచార్య కీర్తనలు - భక్తి నీపైదొకటె పరమసుఖము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 256-3
సంపుటము: 3-322

తాళ్లపాక అన్నమాచార్య

రాగము: శుద్ధవసంతం

భక్తి నీపైదొకటె పరమసుఖము యుక్తి చూచిన నిజంబొక్కటే లేదు	॥పల్లవి॥
కులమెంత గలిగె నది కూడించు గర్వంబు చలమెంత గలిగె నది జగడమే రేఁచు తలఁపెంత పెంచినాఁ దగిలించు కోరికలు యెలమి విజ్ఞానంబు యేమిటా లేదు	॥భక్తి॥
ధన మెంత గలిగె నది దట్టమౌ లోభంబు మొనయుఁ జక్కందనంబు మోహములు రేఁచు ఘనవిద్య గలిగినను కప్పుఁ బైపై మదము యెనయఁగఁ బరమపద మించుకయు లేదు	॥భక్తి॥
తరుణు లెందరు‌అయిన తాపములు సమకూడు సిరులెన్ని గలిగినను చింతలే పెరుగు యిరవయిన శ్రీవేంకటేశ నినుఁ గొలువఁగా పెరిగె నానందంబు బెళకు లిఁకలేవు	॥భక్తి॥