ఆంధ్రభారతి - తాళ్లపాక అన్నమాచార్య కీర్తనలు - ఏడే జేనలు యీదేహంబును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 256-6
సంపుటము: 3-325

తాళ్లపాక అన్నమాచార్య

రాగము: పాడి

ఏడే జేనలు యీదేహంబును యేడా నిఁకమరి యెరఁగము నేము	॥పల్లవి॥
నిండును జలధులు నిమిషమాత్రమున నిండియు నిండదు నెఱి మనసు పండును భువిఁగల పంటలన్నియును పండదు నాలోఁ బాపపు మనసు	॥ఏడే॥
పట్టవచ్చు నల పారేటి పామును పట్టరాదు నాపాయము అట్టే ఆరును అనలము నీటను యెట్టైన నారదు యీకోపంబు	॥ఏడే॥
కానవచ్చు నదె ఘనపాతాళము కానరాదు నాకాలము శ్రీనగవిహార శ్రీవేంకటేశ్వర సోనలఁ బుట్టిన సుద్దులు నివిగో	॥ఏడే॥