ఆంధ్రభారతి - తాళ్లపాక అన్నమాచార్య కీర్తనలు - పుట్టినమొదలు నేను పుణ్యమేమీఁ గాననైతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 257-2
సంపుటము: 3-327

తాళ్లపాక అన్నమాచార్య

రాగము: లలిత

పుట్టినమొదలు నేను పుణ్యమేమీఁ గాననైతి యెట్టు గాచేవయ్య నన్ను యిందిరానాథా	॥పల్లవి॥
కామినులఁ జూచిచూచి కన్నులఁ గొంతపాపము వేమరు నిందలు విని వీనులఁ గొంతపాపము నామువారఁ గల్లలాడి నాలికఁ గొంతపాపము గోమునఁ బాపము మేనఁ గుప్పలాయ నివిగో	॥పుట్టి॥
కానిచోట్లకు నేఁగి కాఁగిళ్ళఁ గొంతపాపము సేన దానాలందుకొని చేతులఁ గొంతపాపము మానని కోపమే పెంచి మతిఁ గొంతపాపము పూని పాపములే నాలోఁ బోగులాయ నివిగో	॥పుట్టి॥
చేసినట్టివాఁడఁగాన చెప్ప నీకుఁ జోటులేదు దాఁసుడ నే నైతిఁ గొన దయ దలఁచితివయ్య యీసరవులెల్లఁ జూచి యేమని నుతింతు నిన్ను ఆసల శ్రీవేంకటేశ ఆయఁబోయఁ బనులు	॥పుట్టి॥