ఆంధ్రభారతి - తాళ్లపాక అన్నమాచార్య కీర్తనలు - ఏమి సేయఁగల యెంతాశకుఁడను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 257-4
సంపుటము: 3-329

తాళ్లపాక అన్నమాచార్య

రాగము: కన్నడగౌళ

ఏమి సేయఁగల యెంతాశకుఁడను తామసపు మనసు తనియదు నాకు	॥పల్లవి॥
యిలలోపల నూరేండ్లబ్రదుకే కలవుద్యోగము కల్పాంతంబులు నిలిచినవాఁడను నేనొక్కఁడనే పలుసంసారము బండ్లకొలఁది	॥ఏమి॥
ఆరయఁ బట్టెడు‌ అన్నమువాఁడను కోరిన కోర్కులు కోటానఁగోట్లు నారవంటిదే నల్లెఁడు నాలుక తీరవు రుచులివె తెప్పలకొలఁది	॥ఏమి॥
నిరతరతిసుఖము నిమిషములోనిదే విరహపు వెదలు వేవేలు యిరవుగ శ్రీవేంకటేశ నీమఱఁగు చొరఁగా నాకివి సులభములాయ	॥ఏమి॥