ఆంధ్రభారతి - తాళ్లపాక అన్నమాచార్య కీర్తనలు - పాపము పాపము ప్రజలాలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 261-2
సంపుటము: 3-350

తాళ్లపాక అన్నమాచార్య

రాగము: దేవగాంధారి

పాపము పాపము ప్రజలాలా పైపై నిటువలెఁ బలుకకురో	॥పల్లవి॥
హరియందుఁ బుట్టినజుఁడును శివుఁడును హరితో సరి వీరనుటెట్లూ పొరిఁ గొండలందుఁ బుట్టిన శిలలివి వరుసఁ బెట్టితే సరియౌనా	॥పాప॥
యిందిరాధిపుని విలఁగల సిరులివి అంది మరొకరివి అనుటెట్లు కొందరము యేరుగుడిచి కాలువలఁ బొంది పొగడితేఁ బొసఁగీనా	॥పాప॥
శ్రీవేంకటపతి సేవకులకు సరి ఆవల మరి కలరనుటెట్లు కావించిన యల కామధేనువుల- కేవి యూరఁబసు లీడవునా	॥పాప॥