అధ్యాత్మ సంకీర్తన
రేకు: 262-1
సంపుటము: 3-355
రేకు: 262-1
సంపుటము: 3-355
తాళ్లపాక అన్నమాచార్య
రాగము: దేవగాంధారి
| వినరో భాగ్యము విష్ణుకథ వెను బలమిదివో విష్ణుకథ | ॥పల్లవి॥ |
| ఆదినుండి సంధ్యాది విధులలో వేదంబయినది విష్ణుకథ నాదించీనిదె నారదాదులచే వీదివీధులనే విష్ణుకథ | ॥విన॥ |
| వదలక వేద వ్యాసులు నుడిగిన- విదిత పావనము విష్ణుకథ సదనంబైనది సంకీర్తనయై వెదకిన చోటనే విష్ణుకథ | ॥విన॥ |
| గొల్లెతలు చల్ల గొనకొని చిలుకఁగ వెల్లవిరియాయ విష్ణుకథ యిల్లిదె శ్రీవేంకటేశ్వరు నామము వెల్లిగొలిపె నీ విష్ణుకథ | ॥విన॥ |