ఆంధ్రభారతి - తాళ్లపాక అన్నమాచార్య కీర్తనలు - భవరోగవైద్యుఁడవు పాటించ నీవొకఁడవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 262-2
సంపుటము: 3-356

తాళ్లపాక అన్నమాచార్య

రాగము: సాళంగనాట

భవరోగవైద్యుఁడవు పాటించ నీవొకఁడవే నవనీతచోర నీకు నమో నమో	॥పల్లవి॥
అతివలనెడి సర్పా లధరాలు గఱచిన తతి మదనవిషాలు తలకెక్కెను మితిలేని రతులఁ దిమ్మరివట్టె దేహాలు మతిమఱచె నిందుకు మందేదొకో	॥భవ॥
పొలఁతులనెడి మహాభూతాలు సోఁకిన తలమొలలు విడి బిత్తలై యున్నారు అలరు చెనకులచే నంగములు జీరలాయ మలసి యిందుకు నిఁక మంత్రమేదొకో	॥భవ॥
తరుణుల కాఁగిలనే తాపజ్వరాలు వట్టి కరఁగి మేనెల్ల దిగఁ గారఁజొచ్చెను నిరతి శ్రీవేంకటేశ నీవే లోకులకు దిక్కు అరుదు సుఖాననుండే యంత్రమేదొకో	॥భవ॥