ఆంధ్రభారతి - తాళ్లపాక అన్నమాచార్య కీర్తనలు - ఆతఁడే బ్రహ్మణ్యదైవ మాదిమూలమైనవాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 262-4
సంపుటము: 3-358

తాళ్లపాక అన్నమాచార్య

రాగము: దేసాళం

ఆతఁడే బ్రహ్మణ్యదైవ మాదిమూలమైనవాఁడు ఆతని మానుటలెల్లా నవిధిపూర్వకము	॥పల్లవి॥
యెవ్వని పేరఁ బిలుతు రిలఁ బుట్టిన జీవుల నవ్వుచు మాసనక్షత్రనామములను అవ్వల నెవ్వని కేశవాదినామములే రవ్వగా నాచమనాలు రచియింతురు	॥ఆతఁ॥
అచ్చ మే దేవుని నారాయణనామమే గతి చచ్చేటివారికి సన్యాసమువారికి ఇచ్చ నెవ్వరిఁ దలఁచి యిత్తురు పితాళ్లకు ముచ్చట నెవ్వని నామములనే సంకల్పము	॥ఆతఁ॥
నారదుఁడు దలఁచేటి నామమది యెవ్వనిది గౌరి నుడిగేటి నామకథ యేడది తారకమై బ్రహ్మరుద్రతతి కెవ్వరినామము యీ రీతి శ్రీవేంకటాద్రి నెవ్వఁడిచ్చీ వరము	॥ఆతఁ॥