ఆంధ్రభారతి - తాళ్లపాక అన్నమాచార్య కీర్తనలు - వీఁడు గదే శేషుఁడు శ్రీవేంకటాద్రిశేషుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 263-5
సంపుటము: 3-365

తాళ్లపాక అన్నమాచార్య

రాగము: మాళవి

వీఁడు గదే శేషుఁడు శ్రీవేంకటాద్రిశేషుఁడు వేఁడుక గరుడనితోఁబెన్నుద్దైన శేషుఁడు	॥పల్లవి॥
వేయివడిగెలతోడ వెలసిన శేషుఁడు చాయమేని తళుకు వజ్రాల శేషుఁడు మాయని శిరసులపై మాణికాల శేషుఁడు యే యెడ హరికి నీడై యేఁగేటి శేషుఁడు	॥వీఁడు॥
పట్టపు వాహనమైన బంగారు శేషుఁడు చుట్టు చుట్టుకొనిన మించుల శేషుఁడు నట్టుకొన్న రెండువేలునాలుకల శేషుఁడు నెట్టన హరిఁబొగడ నేరుపరి శేషుఁడు	॥వీఁడు॥
కదిసి పనులకె ల్లఁ గాచుకున్న శేషుఁడు మొదల దేవతలెల్లా మొక్కే శేషుఁడు అదె శ్రీవేంకటపతి కలమేలుమంగకును పదరక యేపొద్దూ పానుపైన శేషుఁడు	॥వీఁడు॥