ఆంధ్రభారతి - తాళ్లపాక అన్నమాచార్య కీర్తనలు - నారాయణ నే నస్వతంత్రుఁడను నాకా పనిగాదేవియును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 268-4
సంపుటము: 3-392

తాళ్లపాక అన్నమాచార్య

రాగము: భూపాళం

నారాయణ నే నస్వతంత్రుఁడను నాకా పనిగాదేవియును ధారుణి లోపలఁ బుట్టించితివి తరువాతి పనులు నీకే సెలవు	॥పల్లవి॥
శ్రీపతి నీకే సమర్పితంబై శేషంబైనది యాతుమ దొల్లే యేపున విషయములందులోఁ దగిలి యేమయిన నీకే సెలవు చూపరఁ బసురము తొరలు వోయినను సొమ్ముగలుగువాఁడే పరవంజుక పైపైఁ దానే వెదకి తెచ్చి కాపాడఁగ నతనికి భారముగాన	॥నారా॥
యీడులేక శ్రీహరి నీవుండెడి యీ దేహపు నీపరికరమూఁ బాడిగఁ బంచేంద్రియములు పట్టుక బడిఁ దిప్పెడి నీకే సెలవు వోడక యధికులు తమ దాసులు మరివొకరిపంపు లటు సేయఁగను చూడరు తమబలములనే విడిపించుక తామే రక్షింతురు గాని	॥నారా॥
శ్రీవేంకటపతి నీవే నన్నిటు సృష్టించిన జీవుఁడనింతే కావిరి నజ్ఞానము నన్నిటువలెఁ గప్పిన నది నీకే సెలవు ధావతిఁ దలిదండ్రులు తమ బిడ్డల తనువులఁ బంకము లంటినను యేవిధముల నీరార్చి పెంతు రటు ఇన్నిట నీవే గతినాకు	॥నారా॥