ఆంధ్రభారతి - తాళ్లపాక అన్నమాచార్య కీర్తనలు - తప్ప దీయర్థమొకటి దాఁచిన ధనము సుండీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 269-1
సంపుటము: 3-395

తాళ్లపాక అన్నమాచార్య

రాగము: లలిత

తప్ప దీయర్థమొకటి దాఁచిన ధనము సుండీ విప్పరాదు చెప్పరాదు వేదమందు నున్నది	॥పల్లవి॥
హరిభక్తి గలిగిన యతనికి మోక్షము పొరుగున నున్నట్టు పొసఁగినది దరిశనభక్తి చేఁ దనరినవారికి యిరవైన మోక్షము యెదిటిది	॥తప్ప॥
మక్కువ భాగవతాభిమానము గలవారి- కక్కరలేని మోక్ష మరచేతిది నిక్కి యాచార్యాభిమాననిరతులైనవారికి తక్కక మోక్షమింతాఁ దనలోనిది	॥తప్ప॥
యెంత విచారించుకొన్నా నేనేమి చదివినా- నెంతవారికైనా మోక్ష మిందులోనిది వింతగా శ్రీవేంకటవిభుని సంకీర్తన- వంతులకు మోక్షము వదనములోనిది	॥తప్ప॥