ఆంధ్రభారతి - తాళ్లపాక అన్నమాచార్య కీర్తనలు - ఇదె చిక్కితివిఁక నెందు వోయెదవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 269-3
సంపుటము: 3-397

తాళ్లపాక అన్నమాచార్య

రాగము: బౌళి

ఇదె చిక్కితివిఁక నెందు వోయెదవు వుదిరి తొలఁగరా దోహో నీవు	॥పల్లవి॥
జీవుల లోపలఁ జెలఁగేటి మూర్తివి దేవతలకు పరదేవుఁడవు కైవల్యమునకుఁ గలుగు బ్రహ్మమవు ఆవలి పరమున కర్థమవు	॥ఇదె॥
ఘనకర్మమునకుఁ గలిగిన ఫలమవు మనసు లోనికిని మాయవు తనియని చదువుకు దాఁచిన ధనమవు మునుప జగములకు మూలమవు	॥ఇదె॥
వలసినవారికి వర్ణించు రూపవు(???) సులభులకు సంసారసుఖమవు అలరిన దాసులమగు మాకైతే కలిగిన శ్రీవేంకటపతివి	॥ఇదె॥