ఆంధ్రభారతి - తాళ్లపాక అన్నమాచార్య కీర్తనలు - కడుపు నిండె నిఁకఁ గడమేది । మును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 270-3
సంపుటము: 3-403

తాళ్లపాక అన్నమాచార్య

రాగము: సామంతం

కడుపు నిండె నిఁకఁ గడమేది । మును తడవిన యపుడే నే ధన్యుఁడనైతి	॥పల్లవి॥
హరిహరి యని నే నన్ననాఁడె నా- పరగిన జన్మము ఫలియించె కెరలి మీఁద మిక్కిలి నీసేవలు వరుస జలధిలో వానలు	॥కడు॥
ముందర నీకును మొక్కినయపుడే అందితిఁ దుదిపదమగు సుఖము పొందుగ మీఁదటి వేవేలు సేవలు యెందును శ్రీమంతు కిచ్చిన సిరులు	॥కడు॥
శ్రీవేంకటపతి శరణనినపుడే దైవమ నాపాల దక్కితివి చేవలఁ గమ్మర సేవించు సేవలు వేవేలు పూజల వేడుకలు	॥కడు॥