ఆంధ్రభారతి - తాళ్లపాక అన్నమాచార్య కీర్తనలు - ఎవ్వరి దూరఁగనేల యేమీ ననఁగనేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 271-1
సంపుటము: 3-406

తాళ్లపాక అన్నమాచార్య

రాగము: సామంతం

ఎవ్వరి దూరఁగనేల యేమీ ననఁగనేల నవ్వుచు హరికి మొక్కి నడచుటఁ గాక	॥పల్లవి॥
కోపమే యెక్కుడు సేసు కొందరి గుణములోన పాపమే యెక్కుడు సేసు పరులఁ గొందరికి దీపన మెక్కుడు సేసు దేహములఁ గొందరికి శ్రీపతి‌ ఆనాజ్ఞ లివి చెల్లీ లోకానను	॥ఎవ్వ॥
కొందరి నసురలఁగా గుట్టుతోడ నటు సేసు కొందరి దేవతలఁగా కోరి తానే యిటు సేసు కొందరి మనుజులఁగా కూటపు జీవులఁ జేసు విందువలె హరిమాయ వెలసి లోకానను	॥ఎవ్వ॥
వరుస నెరిఁగి నడవ నెవ్వరి కిచ్చగాదు సరిని వనాది నుండే సహజమే కలది చిరపుణ్యు లిన్నిటిలో శ్రీవేంకటేశుఁ గని శరణనఁగా సుఖము జరగీ లోకానను	॥ఎవ్వ॥