ఆంధ్రభారతి - తాళ్లపాక అన్నమాచార్య కీర్తనలు - పొదలఁ బొదలఁగఁ దనువు పుణ్యపాపముపొత్తు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 271-2
సంపుటము: 3-407

తాళ్లపాక అన్నమాచార్య

రాగము: గుండక్రియ

పొదలఁ బొదలఁగఁ దనువు పుణ్యపాపముపొత్తు వదల వదలఁగ మనసు వద్దనే నిలుచు	॥పల్లవి॥
పెరుగు నింద్రియసుఖము పెంచఁగాఁ బెంచఁగా ధరఁ బెరుగుఁ గోరికలు తలఁచఁ దలఁచ కెరలు లంపటము మిక్కిలి కూర్చుఁ(ర్చఁ?) గూర్చఁగా మరలింప మరలింప మనసులో నణఁగు	॥పొద॥
కలుగు పనులే మైనఁ గడుఁ జేయఁ జేయఁగా మలసి కలుగును రుచులు మరుగ మరుగ బలియు నజ్ఞానంబు భ్రమయఁగా భ్రమయఁగా నిలువ నిలువఁగ మనసు నిశ్చలం బవును	॥పొద॥
నెగడు గుణములు పెక్కు నించఁగా నించఁగా మిగుల(లు?) సంసారంబు మెలఁగ మెలఁగ తగిలి శ్రీవేంకటేశు దగ్గరి కొలువఁగఁ గొలువ పొగడఁ బొగడఁగ నతఁడు పొంతనే నిలుచు	॥పొద॥