ఆంధ్రభారతి - తాళ్లపాక అన్నమాచార్య కీర్తనలు - దిబ్బలు వెట్టుచుఁ దేలిన దిదివో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 3-3
సంపుటము: 1-16

తాళ్లపాక అన్నమాచార్య

రాగము: ^[1]కాంబోధి

దిబ్బలు వెట్టుచుఁ దేలిన దిదివో ఉబ్బునీటిపై నొక హంసా	॥దిబ్బలు॥
అనువునఁ గమలవిహారమె నెలవై వొనరి వున్నదిదె వొక హంసా మనియెడి జీవుల మానససరసుల వునికి నున్నదిదె వొక హంసా	॥దిబ్బలు॥
పాలు నీరు నేర్పరిచి పాలలో నోలలాడె నిదె వొక హంసా పాలుపడిన యీ పరమహంసముల వోలి నున్నదిదె వొక హంసా	॥దిబ్బలు॥
తడవి రోమరంధ్రంబుల గుడ్ల నుడుగక పొదిగీ నొక హంసా కడువేడుక వేంకటగిరి మీఁదట నొడలు వెంచెనిదె యొక హంసా	॥దిబ్బలు॥

^[1] ‘కాంబోది’ కావచ్చు.