ఆంధ్రభారతి - తాళ్లపాక అన్నమాచార్య కీర్తనలు - మందులేదు దీనికి మంత్ర మేమియు లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 26-6
సంపుటము: 1-161

తాళ్లపాక అన్నమాచార్య

రాగము: నాట

మందులేదు దీనికి మంత్ర మేమియు లేదు మందు మంత్రము దన మతిలోనే కలదు	॥మందు॥
కదలకుండఁగఁ దన్నుఁ గట్టివేసినఁ గట్టు వదలించకొనఁ గొంత వలదా వదలించఁబోయిన వడిగొని పైపైనే కదియుఁగాని తన్ను వదల దేమియును	॥మందు॥
మనసు లోపలనుండి మరి మీఁదఁ దానుండి యెనసిన తిరువేంకటేశుని తనరిన తలఁపునఁ దలఁప దుష్కృతములు తనకుఁ దానే వీడుఁ దలఁకవలదు గాన	॥మందు॥