ఆంధ్రభారతి - తాళ్లపాక అన్నమాచార్య కీర్తనలు - ఏమీ నెఱఁగని మమ్ము నెక్కువ సేసి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 27-1
సంపుటము: 1-162

తాళ్లపాక అన్నమాచార్య

రాగము: ఆహిరి

ఏమీ నెఱఁగని మమ్ము నెక్కువ సేసి పామరుల దొడ్డఁ జేసె భాష్యకారులు	॥ఏమీ॥
గతచన్నవేదాలు కమలజునకు నిచ్చి అతని కరుణచేత నన్నియుఁ గని గతిలేకపోయిన కలియుగమున వచ్చి ప్రతిపాలించఁగలిగె భాష్యకారులు	॥ఏమీ॥
లోకమెల్ల వెల్లిఁబోఁగా లోననే సురలఁ గాచి ఆకుమీఁదఁ దేలిన యతని కృప కాకరిమతములెల్ల గాలిఁబుచ్చి పర మిట్టే పైకొనఁగఁ గరుణించె భాష్యకారులు	॥ఏమీ॥
పంకజపుఁ జేయి చాఁచి పాదపుఁ బరమిచ్చిన- వేంకటేశు కృపతోడ వెలయఁ దానే తెంకినే వొడయవరై తిరుమంత్రద్వయాన పంకమెల్లఁ బోఁ గడిగె భాష్యకారులు	॥ఏమీ॥