ఆంధ్రభారతి - తాళ్లపాక అన్నమాచార్య కీర్తనలు - ఆటవారిఁ గూడితౌరా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 27-2
సంపుటము: 1-163

తాళ్లపాక అన్నమాచార్య

రాగము: కన్నడగౌళ

^[1]ఆటవారిఁ గూడితౌరా ఆటవారిఁ గూడి అన్నిచోట్ల బొమ్మ- లాట లాడించ నధికుండవైతివి	॥ఆట॥
గురుతరమగు పెద్దకొట్టాములోపల తిరుమైన పెనుమాయఁ దెరగట్టి అరయ నజ్ఞానము లవి యడ్డముగఁ జేసి పరగ సుజ్ఞానదీపములు ముట్టించి	॥ఆట॥
తోలుబొమ్మల దొరకొని గడియించి గాలిచేత వానిఁ గదలించి తూలేటి రసములు తొమ్మిది గడియించి నాలుగు ముఖముల నలువున నాడించ	॥ఆట॥
నిన్నే మెత్తురుగాని నీకేమి నీలేరు మన్నించు దాతలు మరిలేరు యెన్నఁగఁ దిరువేంకటేశ్వర నీదాసు - లున్నతులై నిన్ను నుబ్బించి పొగడఁగ	॥ఆట॥

^[1] ఈ పల్లవి మూడు పాదములుగా నున్నది.