ఆంధ్రభారతి - తాళ్లపాక అన్నమాచార్య కీర్తనలు - ఇన్నిలాగుల చేతు లివియ పో కడు- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 27-5
సంపుటము: 1-166

తాళ్లపాక అన్నమాచార్య

రాగము: ఆహిరి

ఇన్నిలాగుల చేతు లివియ పో కడు- నెన్నికకెక్కిన చేతు లివియ పో	॥ఇన్ని॥
గునియుచుఁ దను నెత్తుకొమ్మని తల్లిపై నెనయఁ జాఁచిన చేతు లివియ పో కినిసి గోవర్ధనగిరి వెల్లగించిన యినుమువంటి చేతు లివియ పో	॥ఇన్ని॥
పిసికి పూతకి చన్ను బిగియించి పట్టిన యిసుమంతలు చేతు లివియ పో పసులఁ గాచుచు గొల్లపడుచుల యమునలో యిసుక చల్లిన చేతు లివియ పో	॥ఇన్ని॥
పరమచైతన్యమై ప్రాణుల కెల్లను యెరవులిచ్చిన చేతు లివియ పో తిరువేంకటగిరిదేవుఁడై ముక్తికి నిరవు చూపెడు చేతు లివియ పో	॥ఇన్ని॥