ఆంధ్రభారతి - తాళ్లపాక అన్నమాచార్య కీర్తనలు - ఎన్నఁగలుగు భూతకోటినెల్లఁ జేసినట్టి చేఁత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 28-3
సంపుటము: 1-171

తాళ్లపాక అన్నమాచార్య

రాగము: సామంతం

ఎన్నఁగలుగు భూతకోటినెల్లఁ జేసినట్టి చేఁత నిన్నుఁ జేసుకొనుట గాక నీకుఁ దొలఁగవచ్చునా	॥ఎన్న॥
గుట్టుచెరిచి లోకమెల్ల ఘోరసంసారమందు కట్టివేసినట్టి పాపకర్మ మేల తీరును పట్టితెచ్చి నిన్ను రోలఁగట్టివేసి లోకమెఱఁగ రట్టు సేసుఁ గాక నిన్ను ^[1]రాజనన్న విడుచునా	॥ఎన్న॥
మిఱ్ఱుపల్లములకుఁ దెచ్చి మెరసి భూతజాలములకుఁ దొఱ్ఱపెసలు గొలచినట్టి దోసమేల పాయును అఱ్ఱుసాఁచి గోపసతుల నలమి వెంటవెంటఁ దిరుగ వెఱ్ఱిఁ జేయుఁ గాక నీవు విభుఁడనన్న విడుచునా	॥ఎన్న॥
పరుల ఇంటి కేఁగి పరుల పరుల వేఁడఁజేసినట్టి ^[2]యెరుకమాలినట్టి చేఁత లేల నిన్ను విడుచును వెరపు మిగిలి వేంకటాద్రివిభుఁడ ననుచు జనులచేత నరులు గొనఁగఁజేయుఁ గాక ఆస నిన్ను విడుచునా	॥ఎన్న॥

^[1] ‘రాజవన్న’ రేకు.

^[2] ‘యెఱుక’ పూ.ము.పా.