ఆంధ్రభారతి - తాళ్లపాక అన్నమాచార్య కీర్తనలు - కటకటా దేహంబు గాసిఁ బెట్టఁగవలసె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 29-3
సంపుటము: 1-178

తాళ్లపాక అన్నమాచార్య

రాగము: కన్నడగౌళ

కటకటా దేహంబు గాసిఁ బెట్టఁగవలసె నిటువంటి దెసలచే నిట్లుండవలసె	॥కటకటా॥
చంపనొల్లక కదా సంసారమనియెడి గంపమోఁపు గడించె కర్మసంగ్రహము లంపటము విరియించ లావుచాలక తుదిని దింప నొకకొంతైన తెగుదెంపులేదు	॥కటకటా॥
మనుపనోపక కదా మాయావిలంబమున కనుమూసి కాంక్ష మఱి కట్టె దైవంబు దినభోగములు విడువఁ దెఱఁ గేమిటను లేక తనివిఁ బొందించ నెంతయు వసముగాదు	॥కటకటా॥
తెలుపనోపక కదా తిరువేంకటేశ్వరుఁడు వెలలేని వేదనల వేఁచెఁ బ్రాణులను బలిమి నజ్ఞానంబుఁ బాయలే కితనినే ^[1]తలఁచి భవబంధముల దాఁటంగరాదు	॥కటకటా॥

^[1] ‘తలఁచికాని’ అని అర్థము కావచ్చు.