ఆంధ్రభారతి - తాళ్లపాక అన్నమాచార్య కీర్తనలు - అయ్యో పోయఁ బ్రాయముఁ గాలము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 29-4
సంపుటము: 1-179

తాళ్లపాక అన్నమాచార్య

రాగము: సామంతం

అయ్యో పోయఁ బ్రాయముఁ గాలము ముయ్యంచు మనసున నే మోహమతినైతి	॥అయ్యో॥
చుట్టంబులా తనకు సుతులుఁ గాంతలుఁ జెలులు వట్టి యాసలఁ బెట్టువారే కాక నెట్టుకొని వీరు గడు నిజమనుచు హరి నాత్మఁ బెట్టనేరక ^[1]వృథా పిరివీకులైతి	॥అయ్యో॥
తగుబంధులా తనకుఁ దల్లులునుఁ దండ్రులును వగలఁ బెట్టుచుఁ దిరుగువారే కాక మిగుల వీరల పొందు మేలనుచు హరినాత్మఁ దగిలించలేక చింతాపరుఁడనైతి	॥అయ్యో॥
అంత హితులా తనకు నన్నలునుఁ దమ్ములును వంతువాసికిఁ బెనఁగువారే కాక అంతరాత్ముఁడు శ్రీవేంకటాద్రీశుఁ గొలువ కిటు సంతకూటముల యలజడికి లోనైతి	॥అయ్యో॥

^[1] ‘వ్రిథా’ రేకు.