ఆంధ్రభారతి - తాళ్లపాక అన్నమాచార్య కీర్తనలు - మనసున నెప్పుడు మానదిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 29-5
సంపుటము: 1-180

తాళ్లపాక అన్నమాచార్య

రాగము: లలిత

మనసున నెప్పుడు మానదిది దినబాధెటువలె దీఱీనో	॥మనసు॥
చిత్తవికారము జీవుల పాపము తత్తరపరచక తడయ దిది కత్తులబో నీకాయపు వయసున నెత్తిన మదమున కేదిగతో	॥మనసు॥
అసలుఁ గంబ మీయాశాదోషము విసిగిన నూరక విడువ దిది ^[1] వసులమూఁట మోవఁగఁ బడవేయఁగ వసము గాని దెటువలెనౌనో	॥మనసు॥
పాము చెలిమి రంపపు సంసారము గాముల మోఁచిన గంప యిది కామించుచు వేంకటపతిఁ దలఁపక యేమరివుండిన నేమౌనో	॥మనసు॥

^[1] ‘ఇది + పసుల’.