ఆంధ్రభారతి - తాళ్లపాక అన్నమాచార్య కీర్తనలు - చిత్తములో నిన్నుఁ జింతించనేరక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 3-6
సంపుటము: 1-19

తాళ్లపాక అన్నమాచార్య

రాగము: ముఖారి

చిత్తములో నిన్నుఁ జింతించనేరక మత్తుఁడఁనై పులుమానిసినైతి	॥చిత్తము॥
అరుత లింగము గట్టి యది నమ్మఁజాలక పరువతమేఁగిన బత్తుడఁ నైతి సరుస మేఁకపిల్లఁ జంకఁ బెట్టుక ^[1]నూఁత- నరయు గొల్లని రీతి నజ్ఞాని నైతి	॥చిత్తము॥
ముడుపు కొంగునఁ గట్టి మూలమూలల వెదకే వెడమతినై నే ^[2]వెర్తుడ నైతి విడువ కిక్కడ శ్రీవేంకటేశ్వరుఁ డుండ పొడగానక మందబుద్ధి నేనైతి	॥చిత్తము॥

^[1] ఇందరసున్న చింత్యము.

^[2] ‘వ్యర్థ’ శబ్దభవము కావచ్చు.