ఆంధ్రభారతి - తాళ్లపాక అన్నమాచార్య కీర్తనలు - వేదవేద్యులు వెదకేటి మందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 1-2
సంపుటము: 1-2

తాళ్లపాక అన్నమాచార్య

రాగము: దేసాక్షి

వేదవేద్యులు వెదకేటి మందు ఆది నంత్యములేని‌ ఆ మందు	॥వేద॥
అడవిమందులుఁ గషాయములు నెల్లవారు కడగానక కొనఁగాను తొడిఁబడ నొకమందు దొరకె మాకు భువి- నడియాలమైనట్టి ఆ మందు	॥వేద॥
లలితరసములుఁ దైలములు నెల్లవారు కలకాలము గొనఁగాను చెలువైన దొకమందు చేరె మాకు భువి- నలవి మీఱినయట్టి యా మందు	॥వేద॥
కదిసిన జన్మరోగముల నెల్లవారు కదలలేక వుండఁగాను అదన శ్రీతిరువేంకటాద్రిమీఁది మందు అదివో మా గురుఁడిచ్చె నా మందు	॥వేద॥