ఆంధ్రభారతి - తాళ్లపాక అన్నమాచార్య కీర్తనలు - అన్నియును నతని కృత్యములే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 3-7
సంపుటము: 1-20

తాళ్లపాక అన్నమాచార్య

రాగము: శ్రీరాగం

అన్నియును నతని కృత్యములే యెన్నియైనా నవు నతఁడేమి సేసినను	॥అన్ని॥
అణురేణుపరిపూర్ణుఁ డవలిమోమైతేను అణువౌను కమలభవాండమైన ఫణిశయనుని కృపాపరిపూర్ణమైతే తృణమైన మేరువౌ స్థిరముగా నపుడే	॥అన్ని॥
పురుషోత్తముని భక్తి పొరపొచ్చమైతేను ఎరవులౌ నిజసిరులు ఎన్నైనను హరిమీఁది చింత పాయక నిజంబైతే నిరతిఁ బట్టినవెల్లా నిధానములే	॥అన్ని॥
మదనగురుని సేవ మదికి వెగటైతేను పదివేలు పుణ్యములు పాపంబులే పదిలమై వేంకటపతి భక్తి గలిగితే తుదిపదంబునకెల్ల దొడవవు నపుడే	॥అన్ని॥