ఆంధ్రభారతి - తాళ్లపాక అన్నమాచార్య కీర్తనలు - వెన్నవట్టుక నేయి వెదకనేలా మరియు- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 33-1
సంపుటము: 1-202

తాళ్లపాక అన్నమాచార్య

రాగము: శ్రీరాగం

వెన్నవట్టుక నేయి వెదకనేలా మరియు- నెన్ని వలసినను దమయేలెటివే ^[1] కావా	॥వెన్న॥
తలఁపునకు విష్ణుచింతన నిమిషమాత్రంబు కలుగుటే కలుగువలెఁ గాక వలనైన భోగములు వైభవంబులు మరియు కలవెల్ల తమయెదుటఁ గలిగినవె కావా	॥వెన్న॥
పదిలముగ హరినామపఠన ^[2] మంత్రము నోరు కదియుటే కలుగవలెఁ గాక తుదలేని సంపదలు తొలగని ముదంబులును కదలకెప్పుడుఁ దమకు గలిగినవె ^[3]కావా	॥వెన్న॥
యించుకైనను వేంకటేశు గిరిశిఖరంబు కాంచుటే కలుగవలెఁ గాక అంచితంబైన నిత్యానందపదవులను మించి తమ యెదుటఁ బ్రభవించినవె కావా	॥వెన్న॥

^[1] నిడురేకు 34- యెదిటివే.

^[2] పరమ మంత్ర.

^[3] ‘కాక’ రేకు.