ఆంధ్రభారతి - తాళ్లపాక అన్నమాచార్య కీర్తనలు - ఎంత మానుమన్నఁ జింతలేల మానునే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 33-3
సంపుటము: 1-204

తాళ్లపాక అన్నమాచార్య

రాగము: ముఖారి

ఎంత మానుమన్నఁ జింతలేల మానునే ^[1] పంతపు మనసు హరిపై నుంటేఁ గాక	॥ఎంత॥
తీరని బంధాలు నేఁడే తెగుమంటే నేల తెగు ^[2] భారపు మమతఁ బెడఁబాసినఁ గాక వూరటగా మమత నేనొల్లనంటే నేల మాను వోరువుతో లంపటము లొల్లకుంటేఁ గాక	॥ఎంత॥
వేఁకపుఁ గోపము నేఁడే విడుమంటే నేల విడు తోఁక చిచ్చయిన యాసఁ దుంచినఁ గాక ఆఁకట నాసేల మాను అన్నిటాను యిందరికి మాఁకుపడి తత్తరము మఱచుంటేఁ గాక	॥ఎంత॥
పెట్టనిది దైవ మిట్టే పెట్టుమంటే నేల పెట్టు యిట్టే వేంకటపతి యిచ్చినఁ గాక యిట్టునట్టు నీతఁడు దా నిందరికి నేల యిచ్చు వొట్టిన విరక్తి నేమి నొల్లకుంటేఁ గాక	॥ఎంత॥

^[1] నిడురేకు 42, 88- మానును.

^[2] నిడురేకు 88- దీరుమంటే నేలతీరు.