చాలదా హరిసంకీర్తనం గల మే లిది దీననే మెరసిరి ఘనులు	॥చాలదా॥
తలఁప వేదశాస్త్రములు గానక అలరుచు [1]వాల్మీకాదులు తలకొని హరిమంత్రమే దగఁ బేర్కొని అలవిమీరఁ గడు [2]నధికములైరి	॥చాలదా॥
యితరదైవముల నెఱఁగనేరక ప్రతిలేని మహిమఁ బార్వతి మతిఁ దలఁపుచు హరిమంత్రమె పేర్కొని సతతము హరులో సగమై నిలిచె	॥చాలదా॥
చదువులుఁ బలుమరుఁ జదువనోపక అదివో నారదాదులు పదిలపు వేంకటపతి హరినామమే వదల కిదియ జీవనమై మనిరి	॥చాలదా॥

---

^[1] ‘వాల్మీక్యాదులు’ కావచ్చునేమో.

^[2] ‘నధికులునైరి’ కావచ్చునేమో.