పోయఁబోయఁ గాలమెల్ల [1]పూఁటవూఁటకు చేయి నోరు నోడాయ చెల్లఁబో యీరోఁతలు	॥పోయ॥
తిప్పన తొప్పన కేతు[2] దేవన బావన గన్ను[3] పప్పన బొప్పనగారి బాడిపాడి కుప్పలుఁదెప్పలు[4]నైన కోరికెలు మతిలోన యెప్పుడుఁ బాయకపోయ నెన్ని లేవు రోఁతలు	॥పోయ॥
కాచన పోచన మాచు[5] కల్లప బొల్లప మల్లు బాచన దేచనగారిఁ బాడిపాడి యేచిన పరసుఖము నిహమును లేకపోయ చీచీ విరిగితిమి చెప్పనేల రోఁతలు	॥పోయ॥
బుక్కన తిక్కన చెల్లు బూమన కామన పేరి- బక్కల నిందరి నోరఁ బాడిపాడి యెక్కువైన తిరువేంకటేశునిఁ దలఁచలేక కుక్కకాటుఁ జెప్పుటా(టే?)టై కూడె నిన్ని రోఁతలు	॥పోయ॥

---

^[1] పూఁట + పూఁట = ‘పూఁటవూఁట’.

^[2] నిడురేకు 61- మాచు.

^[3] నిడురేకు 61- గంగు.

^[4] నిడురేకు 61- దిప్పలు.

^[5] నిడురేకు 61- కేతు.