ఆంధ్రభారతి - తాళ్లపాక అన్నమాచార్య కీర్తనలు - పటుశిష్టప్రతిపాలకుఁడ వనఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 33-6
సంపుటము: 1-207

తాళ్లపాక అన్నమాచార్య

రాగము: సాళంగనాట

పటుశిష్టప్రతిపాలకుఁడ వనఁగ ఘటన నఖిలమును గాతువుగా	॥పటు॥
తుత్తుమురుగ దైత్యుల దనుజుల నని మొత్తి మోఁది చలమునఁ జెలగి జొత్తుపాపలుగ సొరిది విరోధుల నెత్తురు వడుతువు నీవేకా	॥పటు॥
తళతళ మెఱుచు సుదర్శనాయుధం- బలరుచు నొకచే నమరఁగను బలుదైత్యుల దొబ్బలుఁ బేగులు నని నిలువునఁ జెండుదు నీవేకా	॥పటు॥
దిట్టవు సూత్రవతీపతి వసురలఁ జట్టలు చీరఁగఁ జతురుఁడవు రట్టడి వేంకటరమణుని వాకిటి పట్టపు సేనాపతివటకా	॥పటు॥