ఎటువంటి రౌద్రమో యెటువంటి కోపమో తటతట నిరువంక దాఁటీ వీఁడే[1]	॥ఎటు॥
తోరంపుఁ బెనుచేతుల మల్లచఱచి దారుణలీలఁ బెదవు లవుడుకఱచి కారించి చాణూరుఁ గడుభంగపఱచి వీరుఁడై యెముకలు విఱచీ వీఁడే	॥ఎటు॥
పిడుగడచినయట్టు పెడచేత నడిచి[2]- పడనీక పురములోపలఁ జొరఁబొడిచి తొడిచి చాణూరు నెత్తుక దయవిడిచి వడివెట్టి నెత్తురు వడిచీ వీఁడే	॥ఎటు॥
బుసకొట్టుచును వూరుపులఁ జెమరించి మసిగాఁగ బెదపెదమల్లుల దంచీ- నెసఁగి శ్రీతిరువేంకటేశుఁడై మించి ముసిముసినవ్వుల ముంచీ వీఁడే	॥ఎటు॥

---

^[1] నిడురేకు 48- కడపటి చరణములో మాత్రము ‘వీఁడే’ తక్కినచోట్లనెల్ల ‘వాఁడే’.

^[2] ‘చీఁ-బడ’ రేకు.